首页 > 报纸波经 > 东方日报>  正文
2018-01-10 本文来源:互联网
周三好波连场,想知有乜好路数?等我阿King畀啲贴士大家啦!周三下午澳职包尾嘅威灵顿凤凰主场迎战墨尔本胜利,凤凰防线表现慌失失,而且近5次主场全开3球或以上,今场面对近况不俗嘅胜利难保清白之身,中位数2.5球入球大值得追捧,加上西班牙盃贴维拉利尔入球细,以及同皇家马德里大盘,3串1过关有5.2倍博得过。
墨尔本胜利近况弗
仅得7分位列联赛榜尾嘅凤凰,为左争取稍为见得人嘅成绩,近期先后签入前锋尼敦般斯及塞尔维亚中场卢积等进攻好手,攻力方面肯定有所提升,不过球队后防疲弱嘅问题似乎未解决到,球队近3仗主场不设防一样狂失11球,而且已经7轮未赢过波,球队有前冇后踢法实在难喺联赛抢到分,今场面对近4仗3胜1和嘅墨尔本胜利,预计凤凰喺前场就算有斩获,都唔够帮补后防甩漏。既然入埋都唔够后面输,今场大细中位数2.5球嘅入球大绝对玩得过。
(无綫myTV SUPER 303周三下午2时35分直播)
皇马搵乙组仔出气
过关可以玩埋两场西班牙盃16强赛事,首先近6仗全开2球或以下嘅维拉利尔,面对首回合赢住1球兼防守特别肋嘅雷加利斯,今场次回合维拉利尔睇怕未必咁容易搵到入球,捧中位数2/2.5球嘅入球细较稳阵。至于岩岩喺联赛作客失分嘅皇家马德里亦会登场,「银河舰队」近5主场有4次开4球或以上,同作客表现截然不同,今场面对实力欠奉嘅乙组仔纽文西亚,皇马有望再演入球骚,大细中位数调高至3.5球,大盘仍然抵撑。