首页 > 报纸波经 > 东方日报>  正文
2018-01-13 本文来源:互联网
变阵强攻李斯特城
周六晚英超烽烟四起,车路士将会主场迎战李斯特城;车仔近7仗联赛主场赢晒,对上一仗更以5比0横扫史笃城,喺史丹福桥球场威到尽。对手「狐狸」李斯特城上仗联赛3球轻取对手,一班进攻球员尽显功架,主力前锋占美华迪伤愈复出,攻力有番咁上下。两队以往交手经常驳火,近7次对碰有6次都开3球或以上,今场中位数2.5球嘅入球大抵玩。
(Now 621及LeSports周六晚上11时直播)
1月转会窗一开,利物浦嘅菲腊比古天奴已经过档巴塞,而阿仙奴前锋阿历斯山齐士盛传将会加盟曼城,李城嘅马列斯亦深受各大球会关注。呢位攞过英超最佳球员奖嘅阿尔及利亚中场,实力同才华都毋庸置疑,去年12月喺英超攻入4球弗到漏,加上好拍档占美华迪赛前及时复出,两人夹惯夹熟,「狐狸」攻力即刻升呢,有望延续球队近7场联赛全开3球或以上嘅走势。
玻璃从天而降毁干地座驾
车仔今季坐镇史丹福桥球场表现对办,尤其联赛主场已经取得7连胜,前锋艾华路莫拉达同中场球星夏萨特一样咁弗,不过球队日前喺练习场发生罕见意外,据报有一张放喺2楼露天地方嘅玻璃台,台面玻璃竟然被超级强风吹起,由2楼直插下面嘅停车场,咁岩打中干地嘅车位,好在干地当时并唔喺车入面,否则随时车毁人亡!正所谓大难不死、必有后福,盛传今季结束后辞职嘅领队干地,今仗或会重用343较进取嘅阵式,增加进攻强度,务求取得2018年联赛首胜。翻查往绩,两队过去7次碰头6次都开3球或以上,今场有望上演入球骚,中位数2.5球嘅大盘值捧。